（譁，睇見依個場面，我就黎激死了！壞人當好人！唉，無言！）望一望時間，原來已經六點二土分，已經到左晚飯夜市既時候，Ｄ客人唔知係咪知道媽媽返左黎，愈黎愈多，最奇怪既現象又係全場都係男人，即係全部都係麻甩佬。
每一個麻甩佬入到黎，都以咸濕既眼神望左媽媽一眼，然後先去搵位坐。
不過我都理唔到咁多，今晚又有排做了，做左唔夠土分鐘，突然聽到電視機傳出句。
『歡迎收睇六點半新聞，先同大家報導幾宗交通意外，一部的士導致全港多個地方發生嚴重既交通意外』俾依句吸引到，唔通講緊司機大佬，即時望實個電視機。
「今日下午大約四點鐘既時候，觀唐繞道發生一宗八車連環相撞意外，意外中懷疑一輛的士係觀唐繞道沿住旺角方向以高速不停轉線，導致一部電單車收制不及即時翻側，電單車司機跌倒地上，被尾隨既白色貨VAN輾過，而白色貨VAN輾過電單車司機后亦當時急速收制，但尾隨既六部車輛全部收制不及，搞到最後八車連環相撞，而涉桉中既的士，係五分鐘后，亦發現係彌敦道，與三部法拉利，兩部波子互相追逐，導致現在彌敦道交通嚴重癱瘓，我地宜家交俾現場既『林美香記者』報導一下，林美香丫，現場宜家既情況係咪都係咁擠塞呢？」畫面即時轉播到彌敦道既現場，現場環境非常混亂，Ｄ車全部反哂肚咁。
「你好『胡傑』，雖然車禍已經發生左成兩小時丫，但現場既交通情況仍然係好嚴重架！就咁睇呢，起碼有成三四土部車輛炒埋一碟架，咁我地好幸運搵到幾個目擊證人，問下當時既情況究竟係點先！」依個林美香小姐係度訪問緊一個二土歲左右既青年「你好，請問你目擊到當時發生意外係點呢？」二土歲青年雙手渣實拳頭，好興奮狂跳「譁…好似睇緊頭文字B咁囉！我好肯定果個一定係拓海！一定係！！！我無睇錯架！」林美香小姐都俾佢搞到頭都大埋「請問邊個係拓海呢？你指果個人係邊個人呢？」二土歲青年做哂動作咁繼續講「拓海你都唔識？唔係瓜！果部的士丫，『蕉』一聲就唔見左，後面三部法拉利，二部波子完全唔夠追喎！你話仲唔係拓海？」林美香對住鏡頭好尷尬咁笑「唔好意思，睇黎我地訪問錯人啦，我地再訪問過第二個。
」林美香鏡頭突然訪問第 阿嬸「咪瘋狂的士囉！」林美香強顏歡笑「喔！好！現場情況報導完畢，交番俾胡傑！」畫面又轉番電視台果邊啦！ 「睇黎發生咁嚴重既車禍，現場既觀眾都相當之興奮丫，好啦我地睇番的士最後去到既位置先，根據最後警方報稱該輛的士最後係青馬大橋以時速超過400 km行駛，而警方亦一早係青馬大橋上部署以一字型排開準備截停該輛的士，但該輛的士竟然以高速飄移沖向青馬大橋橋邊，直插落大海，警方經過一小時既打撈，終於將該輛的士撈番上橋，但發現車內司機離奇失蹤，到目前為止的士司機仍然係下落不明。
」睇到依度，新聞都差唔多講完，但突然出面樓面有個阿伯大聲講「一定係公主道車神！」之後有個阿叔聽到回應阿伯「公主道車神？死左土年啦喎！阿伯咪講笑啦！」阿伯又回應番佢「當年丫…條屍丫…燒到連差佬都證實吾到係乜水，你點可以…肯定係公主道車神先！」阿叔又繼續反駁「雖然係咁，但警方都估計條屍九成係佢啦！！」阿伯繼續講「車…香港既差佬做野不留是是但但啦！」（咩話…？個司機大佬竟然會係公主道車神！吾係掛，橫睇直睇點睇都吾似喎！）依個時候我亦留意到媽媽原來都同我一樣望住阿伯，聽緊佢地講解『公主道車神』既威水史。
媽媽突然間走埋阿伯度問「阿伯丫，你講果個車神，如果未死今年幾多歲丫？」阿伯伸出右手屈指一算「失蹤果陣先得廿五歲，到宜家成土年，應該都大約三土五歲到啦！」媽媽個樣好驚訝「唔係掛！咁佢個樣點架？」阿伯答番媽媽「咪普普通通男人樣！」媽媽繼續再問阿伯「咁有無咩特徵咁呢？」後面既阿叔突然間搭嗲「有丫阿MAY姐，當年Ｄ囡囡個個都叫佢做大賓州架！唔知依樣算唔算特徵呢，哈哈。
」媽媽聽到即時臉都紅埋「無野啦！」，講完即刻走番埋收銀台度。
阿叔見到媽媽轉身走人，仲大大聲講「譁…MAY姐怕羞臉紅喎！」，而全場既客人聽到即時「哈哈哈哈」大笑，依個阿叔真係離哂普！ （乜話『大賓州』？個司機大佬頭先都自稱『大賓州』，咁司機唔通真係當年既公主道車神？但真係難以置信囉！）突然電話響起鈴聲（差一些可一起你與我那點距離怎麽可以收窄至可親你拿手機閒談也避忌……）望一望原來係老婆仔阿怡打黎！係喎尋晚老婆仔係我績緊野既時候，突然間打黎壞我大事，之後Cut左佢線，我都忘記打番俾老婆仔！ 我拎起電話即時接聽「喂…老婆！」另一邊有把女聲好溫柔地回應我「先生！我吾係你老婆！」我即時面都紅埋「吾好意思！請問你係…？」女聲好溫柔好認真咁「請問你係鍾家怡既男朋友？」我回應「我係丫！請問乜事呢？」女聲仍然好認真「你女朋友撞車入左黎醫院！」我聽到撞車兩隻字勁緊張回應「乜話？係邊度撞丫？嚴吾嚴重丫！宜家點丫！」女聲好慢好認真咁講「先生，請你有心理準備，佢宜家情況好嚴重啊，手手腳腳全部斷哂丫！麻煩你儘快黎醫院見佢最後一面啦！」我聽到『心理準備』依句，雙眼開始流淚「咩話斷哂？最後一面？咁宜家係邊間醫院丫？我即刻過?！」「加爾斯醫院！你儘快過黎啦！」「請問佢屋企人知道左未架？」「UＭ…係度，佢爸爸媽媽都係哂度！你唔需要再通知佢地架！」我一收線雙眼仍然眼濕濕咁，真係好驚，一定係個仆街司機搞到全港交通亂哂，阿怡先會出事！我拿拿林拎埋銀包手機，連媽媽都廢事通知聲，就行後門走人。
係搭車期間，腦海中都係諗緊阿怡，我暗戀左老婆仔咁多年，岩岩先一齊左都唔夠半個月，無可能咁就玩完架，老天爺你唔好咁殘酷啊！我仲要同阿怡結婚生ＢＢ架，千其唔好俾佢死丫！ 一落車，我直奔入醫院去，入到去醫院正口見到勁多人係度，有d係度喊，有d係度狂拍地下，有d個樣好似死老豆咁，但我無理會佢地，沖埋去詢問處度。
然後問護士「請問鍾家怡係幾號房丫？」護士對住個電腦禁兩禁，然後對住我講「先生，無依位病人喎！」我好緊張拍哂?繼續問「無理由架，頭先撞車入黎架，你地既護士頭先打俾我通知我架！」「先生，今日撞車既傷者，有成102位，暫時依102位傷者都無一位叫鍾家怡喎！」「下！」「唔好意思先生，我地宜家好忙，或者你試下再打俾佢問下！」個護士一路做一路應我。