依個人左手手臂紋左個好大「肆」字，係中文四字既大寫。
「嗯，入黎先啦！」男人講完，之後雙手插住褲袋，彎哂腰行路，仲要唔著鞋，赤腳行路，望住依個背影真係咁鬼熟口面既！ 行到入去，間房都OK大，但一眼就望哂，而且燈光暗暗地，感覺好係K房一樣，而牆上好多個電腦螢幕起碼有成二土個14吋，形成一個環形，遠睇好變成一巨大既電視！播放緊每間Ｋ房既情況，簡直就係基地一樣，好PRO丫！ 但就好亂，成地都係線，電線，乜線都係哂地下。
「依…四眼珍呢？」我望完成間房，我問男人「我咪係囉！」男人指住自己「下…你就係四眼珍？」我呆左指住個男人「係丫！有咩問題？」「無無無！」我心諗唔係掛，頂你個肺，以為係條女，原來係條仔，你又唔係四眼，又叫自己四眼，又唔係女人，又叫自己做阿珍？真係估你唔到！ 古惑仔果然係古惑仔，連改個名都古惑過人！ 我終於醒起佢似乜水啦，原來似果套死神筆記入面果個動L！ 都唔知係咪抄佢，不如你叫動Ｌ好過啦！ 「點丫？阿偉，OK仔話你有野要我幫手喎！」「係丫係丫！」我回哂神「我媽…..」大獲講錯野，口快快講錯左「唔係…我想知手機D信息刪左有無辦法睇番？」「有，有無帶部機黎？」「下！無喎！」「但教你都幾複雜下！最好帶埋部機黎我幫你還原檔桉，好快就還原到！」「咁有無辦法偷睇人地部機信息，同偷聽人地電話架？」「都有，但都係要帶果部機黎，然後幫你係果部機安個程式，以後就可以同另一部手機掛勾！」」「下…咁煩架！」心諗死火啦，媽媽部機借俾我都唔肯啦，點帶出黎「一Ｄ都唔煩，好簡單咋嘛！」四眼珍一路望緊各間房既閉路，一路應我。
「你可唔可以俾個程式我自己安架？」我細聲講。
「你信唔信得過先？」四眼珍突然好凶咁望住我。
「梗係信得過啦！哈哈。
」我都俾佢嚇一嚇。
「咁好啦 ，你等陣啦。
」四眼珍係台下面個櫃拎左隻碟連個碟套俾我。
「那…搞點要還番俾我架！」四眼珍指住我手上隻碟。
「當然啦！當然啦！」我笑笑口。
「係呢，吾知Msn密碼有無得破解呢？」「有，做咩想入侵人地Msn丫？」「係丫！係丫！我想Check下條女有無做D對吾住我既野嘛！」「但電腦方面既野，你應該教吾識架啦！」「下…你點知我教吾識！你教我啦！」「入侵人地方法，有超多種，就算宜家教你其中一種，都有排教你，不如你用針孔攝錄機偷拍啦！又簡單方便！」「下…針孔機？」「係丫！你睇全部閉路我都係行針孔，每間房每一個角裝一個，地下一個，總數五個，入面既人做乜都一清二楚！」四眼珍指住全部閉路電視。
「個鏡頭咁細都咁清楚既！」我O哂嘴。
「梗係！高科技黎架！遲D仲愈出愈細！分分鐘細過粒米！」「咁勁！」「係！愈細偷拍就愈方便！無咁易俾人發現嘛！」四眼突然手上拎住個針孔鏡頭！ 「咁可吾可以賣幾個俾我？同埋教我點用。
」「梗係可以啦！你要有線，定無線針孔？」「你手上依個係無線？」我望住四眼珍上面既鏡頭。
「你拎去睇下！」四眼珍遞左個針孔俾我睇。
個無線針鏡頭大約好似一個煙頭咁大，手工非常精細，正上端有個好細既鏡頭，旁邊有兩粒制可以禁！ 「有線好Ｄ定無線好Ｄ？」「有線就梗係麻煩Ｄ架啦，又有條線拉住，但又比較安全，畫面亦非常之清楚，通常係D公司監視人用，不過如果要黎偷拍，安裝方面好鬼麻煩！唔建議你用囉！」「而無線就係用藍芽傳送影像，但唔多安全，如果附近有人用緊藍芽，亦都會detect到你，破解你個藍芽之後，接收哂你影像，係囉，大致上係咁囉。
」「哦…原來用藍芽架！咁我部手機都有藍芽喎，可唔可以即場教我禁丫？」「OK，拎部機黎教你。
」「依…」我係褲袋摸黎摸去都摸唔到手機，淨係摸到個銀包，大獲啦！死火，部機係留係鋪頭定跌左係車上呢？ 「算啦，我手機都唔記得帶！係呢藍芽應該唔會咁易俾人破解掛」我擺出一個好失望既樣。
「好難講架！俾人發現你都幾麻煩，哈！」「下，但人地仲有無乜方法會CHECK到我偷拍呢？」我望住手上既鏡頭。
「有！用反偵測器，紅外線掃瞄每一個角落，一掃到你個鏡頭，就會發出閃閃既紅光，就知你裝左針孔機！」「咁大獲！應該D人唔會咁無聊用依個黎反偵測我掛！」「好難講…咁你需唔需要收音？」「收音？」我做出無知既表情。
「現場收音，有聲咪可以一路拍一路錄埋佢地聲音囉！」「咁梗係有聲啦！」「有聲加多300，即係1000蚊。
你要幾多個？」「譁…咁貴架！」我心即時彈出黎。
「收平你啦阿偉哥！我依種針孔你出面買唔到架，出面果Ｄ全部要另加個接收器，我依個行藍芽架，手機一連線，即時睇到哂！仲有喎，我個無線針孔唔洗用電喎，食太陽架喎！」「好似好勁喎，咁無線畫面令唔令架？仲有會唔會自己save架？」「令唔令，有眼你睇啦！要save既話，要連電腦，然後部電腦自己set野！ 本身個鏡頭係無得save架！」四眼鏡指住上面閉路電視。
望住全部閉路電視，的確係好高水準，好清楚！被拍既人連眼耳口鼻，都睇得好清楚。
但我究竟我要買幾多個先夠用呢？ 大拿拿成千蚊個，我間房一個，爸媽房一個，鋪頭起碼要二個，屋企個廳洗唔洗呢？都係買五個穩陣！ 「咁好啦，我要五個。
」「好，咁多謝你五千大元！」四眼珍係地下個櫃內拎出五個新既針孔俾我。
「我附近ATM禁錢丫？」我拎出個銀包，入面得150蚊，唔夠錢！ 「有，出番去條街度，就有部！」「THANK！陣間返」我開門準備走。
出到街度，好快就見到櫃員機，禁完錢5千蚊，真係好鬼肉赤，差唔多我成副身家，之後一路行一路低頭數緊錢既時候，突然後面有個人撞左我一下左邊膊頭，我手上10張500蚊紙就飄哂落地，我第一時間汁番地上既錢，但同時留意眼前撞到我既係個女仔，我仲見到佢係著住白色外套，牛仔短裙，黑色長BOOT，步伐行好急，入左去個K場，咪住依個背影咁熟既，咁似我老婆仔阿怡既？！ 我於是即時汁完錢跟住入番去個Ｋ場，入到去條女已經不知所蹤，仲諗住睇下係咪阿怡添，電話又無得打，不過應該無可能係阿怡黎啦，阿怡點會黎依D地方，加上依度尖沙咀條條女都係咁衣著上下啦，可能我太掛住阿怡，搞到有錯覺，之後我唯有直衝去四眼珍間房度。